اصغر كلمه اشكد اموت عليك

شعرك لو نزل عل متن يمحي الليل
وشيجيبه اعله شعرك ليلك التعبان
سوالف تكضي ليلك لو ردت احجيه
بس شعرك جذب يوصله خلك انسان

سهرت النجم يم شعرك المغرور
لم شعرك دخيلك كافي بي سهران
لمني بشوك شعرك يا ضريح الكون
مو كفار صبري وهد علي الان

سد ادري بجمالك لو طلعله ابليس
يركع سجده لله ويعترف تايب
لان ماكو بجمالك واحد بهالكاع
يوسف لو يشوفك ينكلب شايب

انت اول قصيده انكتبت بحواء
موزونه اعله ادم من كبل ادم
وذا كبلك بشر يعني انت هم موجود
خالد يعني وحدك بين هالوادم

معارك دارت ادري بهالزمان اشكال
واليخسر يطيح ويبغض الرابح
بس انه اعترف لمن خسرت اوياك
حبيت الخساره وجيتك امسامح

مقياس العشك نص كلبي ما معلوم
ما اكدر اوصف حده من احجيك
اصغر جلمه صدك بيه لو تنقاس
هيه ابنص كياني اشكد ( اموت عليك )