الشاعر عبد القادر العاني

من نشاطات الشاعر القدير
((عبد القادر العاني))

16 قصيده غير منشورة لمحاولة التنسيق مع فنانيين عراقيين ومنهم

كاظم الساهر
: قصيده بين حبيبتي وبغداد بالفصحى (مع لحن)

تحكي عن معاناة رجل ان يختار التضحية بين حبيبته التي بين يديه وبين بغداد المغتصبه.

حسام الرسام

: قصيدة بستان المحبة

وهيه قصيده تصف اوضاع العراقيين ولا سبيل للنجاة غير الوحده

(قصيدة الشاعر عبدالقادر العاني)
^^^^
^^^^

************************************

ليش هيج يا فلان ؟

شلتك بالكلب وتعبت وشكيت شلتك بالعيون وبنص الأحضان

ردتك للعمر أخ وصديق وما ردتك بيوم اتصير سجان

ردتك بالحزن توكف وياي وردتك بالفرح وياي فرحان

ردتك للزمن اتكون الي عون وما جنت أظن اتصير شيطان

مدري شكول للناس لو عنك يسئلون ويكلون ليش هيجي مو جنتو اخوان

منطيت بيك وكلت انت البديت بنفسي ضحيت وكلت انه غلطان

لقبله وحده انت وانه صليت ونحب الرسول ونوحد الرحمن

لو واحد من عدنه غلط فد يوم الثاني امسامح اتكول خلان

أيد وحدة جنه ونرعب وحوش وكلمن يلاوينه جان يرد خسران

ما جنت اضنك تفرح بجيت بوش لو تفرح من تشوف ابن اخوك جوعان

تجيني اليوم وتطردني من البيت؟ البيت اللي ربينه بيه يا فلان

البيت اللي دافعنه عنه اني وياك وبجبهة وحده وكفنه بيوم ايران

لأن رادت تدنس ارض اهل البيت ارض الي ما دخلها بيوم عدوان

لأن بيها زلم اسود وصكور مثل اجدادهم كل اهلها شجعان

تذكر بيوم اتعاهدنه انه وياك انخلي ارضنا مقبرة للامريكان

بسيف وحجر كلنا نحاربهم اليوم وما نخلي الهم بارضنا عنوان

شو من اجو انت وياهم اتخاويت وصرت انت عون للعدوان

لا تهمك الدنيا تراها تزول وخليك شجاع وللعدو كوان

ترة اللي ينال الشهادة بهذا اليوم اله من ربه هدية يعيش بجنان

نصيحة يا اخوي واسمعها كلش زين اليضل خايف ذليل ودوم حيران

اللي يحسب العدو بيوم صديق صدكني يا خوي هو خسران

الشاعر عبدالقادر العاني